main hun aur silsila-e-ashk-e-rawan aaj ki raat

maiñ huuñ aur silsila-e-ashk-e-ravāñ aaj kī raat

zindagī hai hama-tan soz ba-jāñ aaj kī raat

dīda-e-shauq meñ hai raqs-kunāñ aaj kī raat

ġham kī bujhtī huī sham.oñ kā dhuāñ aaj kī raat

apnī palkoñ pe larazte hue tāroñ kī qasam

sab ke hoñToñ pe hai fariyād-o-fuġhāñ aaj kī raat

haiñ kahāñ aah vo hūrān-e-tasavvur jin se

dil thā ġhairat-dah-e-gulzār-e-jināñ aaj kī raat

sāmne koī nahīñ rūh-navāz-e-dil-o-jāñ

zindagānī kī tamannā hai garāñ aaj kī raat

chāñdnī raat ke chehre pe hai kyuuñ ġham kā ġhubār

dhundlī dhundlī sī hai kyuuñ kāhkashāñ aaj kī raat

vo nahīñ haiñ to muqaddar meñ haiñ mere 'manzūr'

mātam-e-marg-e-tamannā-e-javāñ aaj kī raat

main hun aur silsila-e-ashk-e-rawan aaj ki raat

zindagi hai hama-tan soz ba-jaan aaj ki raat

dida-e-shauq mein hai raqs-kunan aaj ki raat

gham ki bujhti hui shamon ka dhuan aaj ki raat

apni palkon pe larazte hue taron ki qasam

sab ke honTon pe hai fariyaad-o-fughan aaj ki raat

hain kahan aah wo huran-e-tasawwur jin se

dil tha ghairat-dah-e-gulzar-e-jinan aaj ki raat

samne koi nahin ruh-nawaz-e-dil-o-jaan

zindagani ki tamanna hai garan aaj ki raat

chandni raat ke chehre pe hai kyun gham ka ghubar

dhundli dhundli si hai kyun kahkashan aaj ki raat

wo nahin hain to muqaddar mein hain mere 'manzur'

matam-e-marg-e-tamanna-e-jawan aaj ki raat