main hun KHamosh yar ke aage

maiñ huuñ ḳhāmosh yaar ke aage

dil hai majbūr pyaar ke aage

maiñ to bas Dher ho gayā dilbar

terī āñkhoñ ke vaar ke aage

tum bhī majbūr ho ga.e ho kyā

qalb-e-be-iḳhtiyār ke aage

phuul kitne bhī ḳhūb-sūrat hoñ

nā-tavāñ haiñ vo ḳhaar ke aage

maiñ to uf tak na kar sakā yā-rab

terī is saḳht maar ke aage

ye nazāre tamām phīke haiñ

ek be-rozgār ke aage

dard-e-'āshiq bhī haar jaatā hai

dard-e-be-rozgār ke aage

apnī dīvāngī kī bātoñ ko

mat rakho hoshiyār ke aage

baat karte ho tum mohabbat kī

is dil-e-be-qarār ke aage

qalb-e-'mahfūz' Dar nahīñ saktā

zulm ke eqtidār ke aage

main hun KHamosh yar ke aage

dil hai majbur pyar ke aage

main to bas Dher ho gaya dilbar

teri aankhon ke war ke aage

tum bhi majbur ho gae ho kya

qalb-e-be-iKHtiyar ke aage

phul kitne bhi KHub-surat hon

na-tawan hain wo KHar ke aage

main to uf tak na kar saka ya-rab

teri is saKHt mar ke aage

ye nazare tamam phike hain

ek be-rozgar ke aage

dard-e-'ashiq bhi haar jata hai

dard-e-be-rozgar ke aage

apni diwangi ki baaton ko

mat rakho hoshiyar ke aage

baat karte ho tum mohabbat ki

is dil-e-be-qarar ke aage

qalb-e-'mahfuz' Dar nahin sakta

zulm ke eqtidar ke aage