main hun tera ya tu hai mera kuchh pata nahin

maiñ huuñ tirā yā tū hai mirā kuchh pata nahīñ

itnā hī bas mujhe hai pata kuchh pata nahīñ

behtar yahī hai sab kī duā.eñ sameT lo

kab aa.e kaam kis kī duā kuchh pata nahīñ

pyāsī hai mere dil kī zamīñ ye ḳhabar to hai

barsī kahāñ kahāñ pe ghaTā kuchh pata nahīñ

javoñ meñ husn-e-yār ke gum ho ga.e the sab

kab kārvān-e-shauq luTā kuchh pata nahīñ

itnā to mujh ko shab hai maiñ us ke saath thā

kab maiñ huā huuñ ḳhud se judā kuchh pata nahīñ

sab log DhūñDne meñ lage haiñ yahāñ vahāñ

rahtā hai sab ke dil meñ ḳhudā kuchh pata nahīñ

rahtā huuñ phir maiñ us ke ta.āqub meñ der tak

detā hai kaun mujh ko sadā kuchh pata nahīñ

shohrat ke āsmāñ pe chamaktā thā jo kabhī

sūraj kahāñ ġhurūb huā kuchh pata nahīñ

'ash.har' asiir maiñ thā ġham-e-rozgār kā

kab ho gayā badan se rihā kuchh pata nahīñ

main hun tera ya tu hai mera kuchh pata nahin

itna hi bas mujhe hai pata kuchh pata nahin

behtar yahi hai sab ki duaen sameT lo

kab aae kaam kis ki dua kuchh pata nahin

pyasi hai mere dil ki zamin ye KHabar to hai

barsi kahan kahan pe ghaTa kuchh pata nahin

jawon mein husn-e-yar ke gum ho gae the sab

kab karwan-e-shauq luTa kuchh pata nahin

itna to mujh ko shab hai main us ke sath tha

kab main hua hun KHud se juda kuchh pata nahin

sab log DhunDne mein lage hain yahan wahan

rahta hai sab ke dil mein KHuda kuchh pata nahin

rahta hun phir main us ke taaqub mein der tak

deta hai kaun mujh ko sada kuchh pata nahin

shohrat ke aasman pe chamakta tha jo kabhi

suraj kahan ghurub hua kuchh pata nahin

'ashhar' asir main tha gham-e-rozgar ka

kab ho gaya badan se riha kuchh pata nahin