main ek ajib-o-gharib manzil ki justuju mein laga hua hun

maiñ ik 'ajīb-o-ġharīb manzil kī justujū meñ lagā huā huuñ

isī liye sab tamāsh-bīnoñ kā ik tamāsha banā huā huuñ

qadam qadam par jo merī ġhairat se khelte ho ki is kā matlab

chalo asīr-e-vafā sahī maiñ to kyā tumhārā dabā huā huuñ

baḌe jatan se likhā gayā thā phir us pe barsoñ paḌhā gayā thā

magar maiñ ḳhush-baḳht ḳhat na Thahrā jo yuuñ saḌak par paḌā huā huuñ

tumhārī zulfoñ ke pech-o-ḳham sab nikāl saktā huuñ do ghaḌī meñ

paḌhā likhā kam sahī magar maiñ ḳhayāl rakhnā ginā huā huuñ

maiñ us kā ġham yuuñ manā rahā huuñ use ḳhudārā batā.e koī

ki ġham latīfe sunā rahe haiñ maiñ muñh banā.e khaḌā huā huuñ

ise koī kyā shikast likkhe aur is ko kyā koī jiit likkhe

kisī ke aage jhukā huā huuñ kisī ke aage tanā huā huuñ

jahān-e-fānī ke māl-dāro tumhārī duniyā tumheñ mubārak

mujhe nahīñ tum ḳharīd sakte mujhe na chheḌo bikā huā huuñ

main ek 'ajib-o-gharib manzil ki justuju mein laga hua hun

isi liye sab tamash-binon ka ek tamasha bana hua hun

qadam qadam par jo meri ghairat se khelte ho ki is ka matlab

chalo asir-e-wafa sahi main to kya tumhaara daba hua hun

baDe jatan se likha gaya tha phir us pe barson paDha gaya tha

magar main KHush-baKHt KHat na Thahra jo yun saDak par paDa hua hun

tumhaari zulfon ke pech-o-KHam sab nikal sakta hun do ghaDi mein

paDha likha kam sahi magar main KHayal rakhna gina hua hun

main us ka gham yun mana raha hun use KHudara batae koi

ki gham latife suna rahe hain main munh banae khaDa hua hun

ise koi kya shikast likkhe aur is ko kya koi jit likkhe

kisi ke aage jhuka hua hun kisi ke aage tana hua hun

jahan-e-fani ke mal-daro tumhaari duniya tumhein mubarak

mujhe nahin tum KHarid sakte mujhe na chheDo bika hua hun