main is ke siwa aur kya chahta hun

maiñ is ke sivā aur kyā chāhtā huuñ

tujhe ik nazar dekhnā chāhtā huuñ

vo dard-e-mohabbat ho yā soz-e-furqat

koī ziist kā aasrā chāhtā huuñ

zarā rū-e-raushan se parda haTā do

nizām-e-do-ālam nayā chāhtā huuñ

baḌā lutf thā un kī pahlī nazar meñ

mohabbat kī phir ibtidā chāhtā huuñ

ye maqsad nahīñ hai ki manzūr bhī ho

tujhe ek sajda kiyā chāhtā huuñ

zarā aap haT jā.iye darmiyāñ se

maiñ zor-e-jahāñ dekhnā chāhtā huuñ

samā jā mirī aañkh meñ nuur ban kar

shab-e-ġham ko maiñ jāñchnā chāhtā huuñ

'bahār' un ko kyā apnā maqsad batā.ūñ

yahī baat maiñ jānñā chāhtā huuñ

main is ke siwa aur kya chahta hun

tujhe ek nazar dekhna chahta hun

wo dard-e-mohabbat ho ya soz-e-furqat

koi zist ka aasra chahta hun

zara ru-e-raushan se parda haTa do

nizam-e-do-alam naya chahta hun

baDa lutf tha un ki pahli nazar mein

mohabbat ki phir ibtida chahta hun

ye maqsad nahin hai ki manzur bhi ho

tujhe ek sajda kiya chahta hun

zara aap haT jaiye darmiyan se

main zor-e-jahan dekhna chahta hun

sama ja meri aankh mein nur ban kar

shab-e-gham ko main jaanchna chahta hun

'bahaar' un ko kya apna maqsad bataun

yahi baat main jaanna chahta hun