main iztirab mein hun sham se sahar ke liye

maiñ iztirāb meñ huuñ shaam se sahar ke liye

koī charāġh atā kar de rāt-bhar ke liye

ḳhudā bachā.e tumheñ aisī-vaisī nazroñ se

gale meñ Daal lo ta.avīz tum nazar ke liye

qafas-nasīb haiñ nā-āshnā-e-āzādī

ye qaid ek chunautī hai bāl-o-par ke liye

nigāh-e-barq meñ vo ḳhaar se khaTakne lage

jo tinke jam.a kiye ham ne apne ghar ke liye

masīh-e-vaqt to aisī nafas sahī lekin

ilaaj hai koī zaḳhm-e-dil-o-jigar ke liye

tumhāre husn-o-adā ke hamīñ shikār nahīñ

na jaane kitnoñ ke dil tum ne ban-sañvar ke liye

tamām-umr añdhere meñ kaT ga.ī yārab

koī charāġh atā kar hamāre ghar ke liye

kisī ke sāmne sar ḳham karūñ maiñ kyuuñ 'ājiz'

banī hai merī jabīñ un ke sañg-e-dar ke liye

main iztirab mein hun sham se sahar ke liye

koi charagh ata kar de raat-bhar ke liye

KHuda bachae tumhein aisi-waisi nazron se

gale mein Dal lo tawiz tum nazar ke liye

qafas-nasib hain na-ashna-e-azadi

ye qaid ek chunauti hai baal-o-par ke liye

nigah-e-barq mein wo KHar se khaTakne lage

jo tinke jama kiye hum ne apne ghar ke liye

masih-e-waqt to aisi nafas sahi lekin

ilaj hai koi zaKHm-e-dil-o-jigar ke liye

tumhaare husn-o-ada ke hamin shikar nahin

na jaane kitnon ke dil tum ne ban-sanwar ke liye

tamam-umr andhere mein kaT gai yarab

koi charagh ata kar hamare ghar ke liye

kisi ke samne sar KHam karun main kyun 'ajiz'

bani hai meri jabin un ke sang-e-dar ke liye