main jaanti hun teri zat ki kami hun main

maiñ jāntī huuñ tirī zaat kī kamī huuñ maiñ

tirī nigāhoñ se uljhī huī namī huuñ maiñ

paTaḳh rahī hai mire dar pe raushnī sar ko

ki zulmatoñ kī vafādār ho ga.ī huuñ maiñ

tujhe bulā.e jo vāpas pukāre jo tujh ko

vo ārzūeñ vo āvāz kho chukī huuñ maiñ

jo dard tujh pe guzarnā thā maiñ guzārtī huuñ

jo tere naam kā thā zahr pī ga.ī huuñ maiñ

ye beTiyāñ huā kartī haiñ bel kī tarah

so maañ kī baat pe puurī utar ga.ī huuñ maiñ

ḳhudā ne aisā navāzā hai ne.amatoñ se mujhe

binā paroñ ke havāoñ meñ uḌ rahī huuñ maiñ

main jaanti hun teri zat ki kami hun main

teri nigahon se uljhi hui nami hun main

paTaKH rahi hai mere dar pe raushni sar ko

ki zulmaton ki wafadar ho gai hun main

tujhe bulae jo wapas pukare jo tujh ko

wo aarzuen wo aawaz kho chuki hun main

jo dard tujh pe guzarna tha main guzarti hun

jo tere nam ka tha zahr pi gai hun main

ye beTiyan hua karti hain bel ki tarah

so man ki baat pe puri utar gai hun main

KHuda ne aisa nawaza hai neamaton se mujhe

bina paron ke hawaon mein uD rahi hun main