main jab bhi qatl ho kar dekhta hun
maiñ jab bhī qatl ho kar dekhtā huuñ
to apnoñ hī kā lashkar dekhtā huuñ
maiñ duniyā apne andar dekhtā huuñ
yahīñ pe saarā manzar dekhtā huuñ
kabhī tasvīr kar detā huuñ us ko
kabhī tasvīr ban kar dekhtā huuñ
mujhe is jurm meñ andhā kiyā hai
ki bīnā.ī se baḌh kar dekhtā huuñ
nashāt-e-dīd thā āñkhoñ kā jaanā
ki ab pahle se behtar dekhtā huuñ
vo manzar jo nazar aatā hai ḳhālī
ḳhud apne rañg bhar kar dekhtā huuñ
vo chehra haa.e vo chehra vo chehra
jise ḳhud se bhī chhup kar dekhtā huuñ
main jab bhi qatl ho kar dekhta hun
to apnon hi ka lashkar dekhta hun
main duniya apne andar dekhta hun
yahin pe sara manzar dekhta hun
kabhi taswir kar deta hun us ko
kabhi taswir ban kar dekhta hun
mujhe is jurm mein andha kiya hai
ki binai se baDh kar dekhta hun
nashat-e-did tha aankhon ka jaana
ki ab pahle se behtar dekhta hun
wo manzar jo nazar aata hai KHali
KHud apne rang bhar kar dekhta hun
wo chehra hae wo chehra wo chehra
jise KHud se bhi chhup kar dekhta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
