main jahan tha wahin rah gaya mazarat

maiñ jahāñ thā vahīñ rah gayā ma.azarat

ai zamīñ ma.azarat ai ḳhudā ma.azarat

kuchh batāte hue kuchh chhupāte hue

maiñ hañsā ma.azarat ro diyā ma.azarat

ḳhud tumhārī jagah jā ke dekhā hai aur

ḳhud se kī hai tumhārī jagah ma.azarat

jo huā jaane kaise huā kyā ḳhabar

jo kiyā vo nahīñ ho sakā ma.azarat

maiñ ki ḳhud ko bachāne kī koshish meñ thā

ek din maiñ ne ḳhud se kahā ma.azarat

mujh se girya mukammal nahīñ ho sakā

maiñ ne dīvār par likh diyā ma.azarat

maiñ bahut duur huuñ shaam nazdīk hai

shaam ko do sadā shukriya ma.azarat

main jahan tha wahin rah gaya mazarat

ai zamin mazarat ai KHuda mazarat

kuchh batate hue kuchh chhupate hue

main hansa mazarat ro diya mazarat

KHud tumhaari jagah ja ke dekha hai aur

KHud se ki hai tumhaari jagah mazarat

jo hua jaane kaise hua kya KHabar

jo kiya wo nahin ho saka mazarat

main ki KHud ko bachane ki koshish mein tha

ek din main ne KHud se kaha mazarat

mujh se girya mukammal nahin ho saka

main ne diwar par likh diya mazarat

main bahut dur hun sham nazdik hai

sham ko do sada shukriya mazarat