main jidhar jaun mera KHwab nazar aata hai
maiñ jidhar jā.ūñ mirā ḳhvāb nazar aatā hai
ab ta.āqub meñ vo mahtāb nazar aatā hai
gūñjtī rahtī haiñ sāhil kī sadā.eñ mujh meñ
aur samundar mujhe betāb nazar aatā hai
itnā mushkil bhī nahīñ yaar ye maujoñ kā safar
har taraf kyuuñ tujhe girdāb nazar aatā hai
kyuuñ hirāsāñ hai zarā dekh to gahrā.ī meñ
kuchh chamaktā sā tah-e-āb nazar aatā hai
maiñ to taptā huā sahrā huuñ mujhe ḳhvāboñ meñ
be-sabab ḳhitta-e-shādāb nazar aatā hai
raah chalte hue bechārī tahī-dastī ko
sañg bhī gauhar-e-nāyāb nazar aatā hai
ye na.e daur kā bāzār hai 'ālam'-sāhib
is jagah TaaT bhī kam-ḳhvāb nazar aatā hai
main jidhar jaun mera KHwab nazar aata hai
ab taaqub mein wo mahtab nazar aata hai
gunjti rahti hain sahil ki sadaen mujh mein
aur samundar mujhe betab nazar aata hai
itna mushkil bhi nahin yar ye maujon ka safar
har taraf kyun tujhe girdab nazar aata hai
kyun hirasan hai zara dekh to gahrai mein
kuchh chamakta sa tah-e-ab nazar aata hai
main to tapta hua sahra hun mujhe KHwabon mein
be-sabab KHitta-e-shadab nazar aata hai
rah chalte hue bechaari tahi-dasti ko
sang bhi gauhar-e-nayab nazar aata hai
ye nae daur ka bazar hai 'alam'-sahib
is jagah TaT bhi kam-KHwab nazar aata hai
- Book : Istifsaar (Pg. 36)
- Author : Sheen Kaaf Nizam, Aadil Raza Mansoori
- Publication : Aadil Raza Mansoori (Issue No. 1, Oct To Dec. 2013Issue No. 1, Oct To Dec. 2013)
- Edition : Issue No. 1, Oct To Dec. 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
