main jis se kabhi nahin mila hun

maiñ jis se kabhī nahīñ milā huuñ

ik umr se us ko jāntā huuñ

gul bhī haiñ mujhe aziiz lekin

kāñToñ ke liye barahna-pā huuñ

ik zaḳhm huuñ aur sūrat-e-gul

apne hī vajūd meñ khilā huuñ

chāhat bhī agar hai jurm koī

achchhā to maiñ tum ko chāhtā huuñ

zaḳhmoñ ko hurūf meñ badal kar

tārīḳh-e-bahār likh rahā huuñ

kis kis kā hadaf nahīñ mirī zaat

achchhā huuñ to aur bhī burā huuñ

saa.e ko ḳhabar nahīñ hai 'shā.ir'

maiñ der se dhuup meñ khaḌā huuñ

main jis se kabhi nahin mila hun

ek umr se us ko jaanta hun

gul bhi hain mujhe aziz lekin

kanTon ke liye barahna-pa hun

ek zaKHm hun aur surat-e-gul

apne hi wajud mein khila hun

chahat bhi agar hai jurm koi

achchha to main tum ko chahta hun

zaKHmon ko huruf mein badal kar

tariKH-e-bahaar likh raha hun

kis kis ka hadaf nahin meri zat

achchha hun to aur bhi bura hun

sae ko KHabar nahin hai 'shair'

main der se dhup mein khaDa hun