main jo duniya ki kahani mein na khoya hota

maiñ jo duniyā kī kahānī meñ na khoyā hotā

mere ḳhāme ne musalsal mujhe likkhā hotā

mas.ala saḳht sahī aur na uljhā hotā

vaqt ne bhī jo mire zehn se sochā hotā

us ne pyārā sā koī ḳhat mujhe likkhā hotā

kaash kuchh din ke liye mujh se vo bichhḌā hotā

niiñd āñkhoñ se na uḌ jaatī to achchhā hotā

kam se kam ḳhvāb meñ us shoḳh ko dekhā hotā

terī yādoñ ne kisī raat ye mohlat hī na dī

ki maiñ do-chār ghaḌī ko bhī akelā hotā

itnā nāzuk thā ki chhū lete agar ham us ko

vo bhī shīshe kī tarah farsh pe bikhrā hotā

kāTte 'umr tire aane kī ummīd meñ ham

tere raste meñ agar vaqt bhī Thahrā hotā

kyā burā hai jo girāyā hai havāoñ ne use

zard pattā thā kisī roz to TuuTā hotā

kitnī be-sūd thī ye chup ki mirī bātoñ ko

sun bhī letā to koī shaḳhs na samjhā hotā

koī sikka to nahīñ the ki na milte 'ḳhāvar'

kho ga.e the to kisī ne hameñ DhūñDā hotā

main jo duniya ki kahani mein na khoya hota

mere KHame ne musalsal mujhe likkha hota

masala saKHt sahi aur na uljha hota

waqt ne bhi jo mere zehn se socha hota

us ne pyara sa koi KHat mujhe likkha hota

kash kuchh din ke liye mujh se wo bichhDa hota

nind aankhon se na uD jati to achchha hota

kam se kam KHwab mein us shoKH ko dekha hota

teri yaadon ne kisi raat ye mohlat hi na di

ki main do-chaar ghaDi ko bhi akela hota

itna nazuk tha ki chhu lete agar hum us ko

wo bhi shishe ki tarah farsh pe bikhra hota

kaTte 'umr tere aane ki ummid mein hum

tere raste mein agar waqt bhi Thahra hota

kya bura hai jo giraya hai hawaon ne use

zard patta tha kisi roz to TuTa hota

kitni be-sud thi ye chup ki meri baaton ko

sun bhi leta to koi shaKHs na samjha hota

koi sikka to nahin the ki na milte 'KHawar'

kho gae the to kisi ne hamein DhunDa hota