main kahan DhunDne jata hun kutub-KHanon mein

maiñ kahāñ DhūñDne jaatā huuñ kutub-ḳhānoñ meñ

mujh ko ḳhud aa ke bulā.eñ mire alfāz ki aa

maiñ abhī soch ke sahrā meñ khaḌā hotā huuñ

aa hī jaatī hai kisī samt se āvāz ki aa

pair chalne ke liye jūñhī qadam bharte haiñ

bajne lag jaate haiñ ḳhud se ka.ī sur saaz ki aa

maiñ ki har had se guzarne ko huuñ tayyār magar

kaun kahtā hai mujhe koī ba-sad-nāz ki aa

haa.e vo lamha ki jab baap bulā.e beTā

aa idhar aa mire beTe mire jāñ-bāz ki aa

ye alag baat ki ustād nahīñ hai 'hasrat'

she'r-goī meñ bulā.eñ sabhī ustāz ki aa

main kahan DhunDne jata hun kutub-KHanon mein

mujh ko KHud aa ke bulaen mere alfaz ki aa

main abhi soch ke sahra mein khaDa hota hun

aa hi jati hai kisi samt se aawaz ki aa

pair chalne ke liye junhi qadam bharte hain

bajne lag jate hain KHud se kai sur saz ki aa

main ki har had se guzarne ko hun tayyar magar

kaun kahta hai mujhe koi ba-sad-naz ki aa

hae wo lamha ki jab bap bulae beTa

aa idhar aa mere beTe mere jaan-baz ki aa

ye alag baat ki ustad nahin hai 'hasrat'

she'r-goi mein bulaen sabhi ustaz ki aa