main ki subh-e-gham ka malal bhi nahin kar saka

maiñ ki sub.h-e-ġham kā malāl bhī nahīñ kar sakā

tire baa'd ḳhud kā ḳhayāl bhī nahīñ kar sakā

thā 'urūj mujh ko visāl-rut meñ bahār kī

tire hijr se maiñ savāl bhī nahīñ kar sakā

jo bikhar gayā dil-e-nā-tavāñ ke ḳhayāl meñ

use yakjā terā visāl bhī nahīñ kar sakā

tire hukm par huā sar qalam mirā dostā

so maiñ tujh ko vāqif-e-hāl bhī nahīñ kar sakā

huā muntashir tujhe soch soch ke is liye

maiñ 'nadīm' ḳhud ko nidhāl bhī nahīñ kar sakā

main ki subh-e-gham ka malal bhi nahin kar saka

tere ba'd KHud ka KHayal bhi nahin kar saka

tha 'uruj mujh ko visal-rut mein bahaar ki

tere hijr se main sawal bhi nahin kar saka

jo bikhar gaya dil-e-na-tawan ke KHayal mein

use yakja tera visal bhi nahin kar saka

tere hukm par hua sar qalam mera dosta

so main tujh ko waqif-e-haal bhi nahin kar saka

hua muntashir tujhe soch soch ke is liye

main 'nadim' KHud ko nidhaal bhi nahin kar saka