main kise apne siwa gardanne walon mein tha

maiñ kise apne sivā gardānñe vāloñ meñ thā

zikr merā ā.inoñ ke Dhālne vāloñ meñ thā

kab talak kartā safar maiñ tez āñdhī ke ḳhilāf

sab havā ke ruḳh pe the maiñ hārne vāloñ meñ thā

jis ko ham ne Tuut kar chāhā thā saarī zindagī

ham ko ġhairoñ kī tarah vo mānñe vāloñ meñ thā

kāġhazī hī pairahan the sab ke jismoñ par magar

koī an-jānā sā lamha kāTne vāloñ meñ thā

jāntā huuñ vo bhī thā haq-āshnā merī tarah

merī bātoñ kā burā kab mānñe vāloñ meñ thā

jagmagātā kyoñ na āḳhir in añdheroñ kā nasīb

maiñ ki sūraj thā ujālā bāñTne vāloñ meñ thā

ham hī apne aap ke dushman hue jaate haiñ kyoñ

dushman-e-jāñ jab hamāre chāhne vāloñ meñ thā

be-ruḳhī un kī thī merī garm-joshī kā sila

maiñ to un ko apne jaisā mānñe vāloñ meñ thā

qaid se gahre sarāboñ kī nikal aayā 'nazar'

ḳhaak pyāse dasht kī maiñ chhānne vāloñ meñ thā

main kise apne siwa gardanne walon mein tha

zikr mera aainon ke Dhaalne walon mein tha

kab talak karta safar main tez aandhi ke KHilaf

sab hawa ke ruKH pe the main haarne walon mein tha

jis ko hum ne Tut kar chaha tha sari zindagi

hum ko ghairon ki tarah wo manne walon mein tha

kaghazi hi pairahan the sab ke jismon par magar

koi an-jaana sa lamha kaTne walon mein tha

jaanta hun wo bhi tha haq-ashna meri tarah

meri baaton ka bura kab manne walon mein tha

jagmagata kyon na aaKHir in andheron ka nasib

main ki suraj tha ujala banTne walon mein tha

hum hi apne aap ke dushman hue jate hain kyon

dushman-e-jaan jab hamare chahne walon mein tha

be-ruKHi un ki thi meri garm-joshi ka sila

main to un ko apne jaisa manne walon mein tha

qaid se gahre sarabon ki nikal aaya 'nazar'

KHak pyase dasht ki main chhanne walon mein tha