main kyun kahun ki kisi chehragi se ishq karo

maiñ kyuuñ kahūñ ki kisī chehragī se 'ishq karo

jo baat kā ho dhanī bas usī se 'ishq karo

jahālatoñ ke añdhere se toḌ do rishta

‘ulūm-o-fan kī faqat raushnī se 'ishq karo

kisī ġharīb kī ġhurbat pe mat hañso lekin

rulā de zulm ko jo us hañsī se 'ishq karo

nihāñ ho jis meñ ai logo habīb kī sīrat

to tum pe farz hai us dostī se 'ishq karo

jo 'ishq ‘abd se mā'būd tak tumheñ le jaa.e

qasam zuleḳhā kī us 'āshiqī se 'ishq karo

vo jis se aatī ho 'salmān' bū-e-haq har dam

tumheñ bhī chāhiye bas us kalī se 'ishq karo

main kyun kahun ki kisi chehragi se 'ishq karo

jo baat ka ho dhani bas usi se 'ishq karo

jahaalaton ke andhere se toD do rishta

‘ulum-o-fan ki faqat raushni se 'ishq karo

kisi gharib ki ghurbat pe mat hanso lekin

rula de zulm ko jo us hansi se 'ishq karo

nihan ho jis mein ai logo habib ki sirat

to tum pe farz hai us dosti se 'ishq karo

jo 'ishq ‘abd se ma'bud tak tumhein le jae

qasam zuleKHa ki us 'ashiqi se 'ishq karo

wo jis se aati ho 'salman' bu-e-haq har dam

tumhein bhi chahiye bas us kali se 'ishq karo