main na minnat-kash-e-angur hua KHub hua

maiñ na minnat-kash-e-añgūr huā ḳhuub huā

chashm-e-maḳhmūr se maḳhmūr huā ḳhuub huā

sho.ala-e-āh mirā nuur huā ḳhuub huā

un kā gesū shab-e-dījūr huā ḳhuub huā

nik.hat-e-zulf se masrūr huā ḳhuub huā

saañp ke zahr se maḳhmūr huā ḳhuub huā

sar jo qadmoñ pe rakhā haath se sarkā na diyā

ijz par mere vo maġhrūr huā ḳhuub huā

aa.e pariyoñ ke pare vasf-e-kamar khulvāne

misl-e-anqā ke maiñ mash.hūr huā ḳhuub huā

is jahāñ ke nazar aate haiñ tamāshe mujh ko

dūrbīñ dīda-e-nāsūr huā ḳhuub huā

ab anal-haq ke kahe par nahīñ maare jaate

is zamāne meñ jo mansūr huā ḳhuub huā

phañs gayā hai kisī gesū meñ dil-e-ḳhāna-ḳharāb

dushman-e-jānī se maiñ duur huā ḳhuub huā

mere darmāñ haiñ badal mardum-e-bādām-farosh

chashm-e-bīmār se ranjūr huā ḳhuub huā

ashk se chashm ke ham zaḳhm-e-jigar dhote haiñ

ḳhūn-e-dil bāda-e-a.agūr huā ḳhuub huā

ham ne duniyā hī meñ jannat kā mazā luuT liyā

mehrbāñ ham pe jo vo huur huā ḳhuub huā

be-hijābāna gale lagte haiñ daur aur chale

chashm-e-bad-dūr vo maḳhmūr huā ḳhuub huā

zānū-e-zohra-jabīnāñ pe dharā rahtā hai

sar mirā kāsā-e-tanbūr huā ḳhuub huā

va.ada shab kā thā mujhe din ko vo dekhā to kahā

nām-e-zañgī ajī kāfūr huā ḳhuub huā

kyā hī ḳhush-go hai 'nasīm' ahl-e-suḳhan kahte haiñ

bāġh-e-hind aap se mysore huā ḳhuub huā

main na minnat-kash-e-angur hua KHub hua

chashm-e-maKHmur se maKHmur hua KHub hua

shoala-e-ah mera nur hua KHub hua

un ka gesu shab-e-dijur hua KHub hua

nikhat-e-zulf se masrur hua KHub hua

sanp ke zahr se maKHmur hua KHub hua

sar jo qadmon pe rakha hath se sarka na diya

ijz par mere wo maghrur hua KHub hua

aae pariyon ke pare wasf-e-kamar khulwane

misl-e-anqa ke main mashhur hua KHub hua

is jahan ke nazar aate hain tamashe mujh ko

durbin dida-e-nasur hua KHub hua

ab anal-haq ke kahe par nahin mare jate

is zamane mein jo mansur hua KHub hua

phans gaya hai kisi gesu mein dil-e-KHana-KHarab

dushman-e-jaani se main dur hua KHub hua

mere darman hain badal mardum-e-baadam-farosh

chashm-e-bimar se ranjur hua KHub hua

ashk se chashm ke hum zaKHm-e-jigar dhote hain

KHun-e-dil baada-e-agur hua KHub hua

hum ne duniya hi mein jannat ka maza luT liya

mehrban hum pe jo wo hur hua KHub hua

be-hijabana gale lagte hain daur aur chale

chashm-e-bad-dur wo maKHmur hua KHub hua

zanu-e-zohra-jabinan pe dhara rahta hai

sar mera kasa-e-tanbur hua KHub hua

wada shab ka tha mujhe din ko wo dekha to kaha

nam-e-zangi aji kafur hua KHub hua

kya hi KHush-go hai 'nasim' ahl-e-suKHan kahte hain

bagh-e-hind aap se mysore hua KHub hua