main na tarsunga kabhi saqi jo tarsane lage

maiñ na tarsūñgā kabhī saaqī jo tarsāne lage

haath ke chhāle bhī mujh ko ab to paimāne lage

tark piinā mai kiyā auroñ ke ġham khāne lage

kaif-baḳhsh ab haath ke chhāle ke paimāne lage

kal tar-o-tāza the gulshan meñ jo chehroñ ke gulāb

dhuup meñ fikroñ kī aaj aa.e to murjhāne lage

dil kā chhālā zaḳhm kī sūrat na kar le iḳhtiyār

haal par ab mere apne rahm farmāne lage

kal kā sūraj amn kā paiġhām laa.e yā ḳhudā

shaam aa.ī phir gharoñ meñ log ghabrāne lage

aaj ye mahfil meñ kis ne dī ulaT ruḳh se naqāb

raushnī baḌhne lagī aur diip sharmāne lage

qaum phir pā.egī 'shādāñ' ḳhvāb-e-ġhaflat se najāt

rafta rafta hosh meñ dīvāne ab aane lage

main na tarsunga kabhi saqi jo tarsane lage

hath ke chhaale bhi mujh ko ab to paimane lage

tark pina mai kiya auron ke gham khane lage

kaif-baKHsh ab hath ke chhaale ke paimane lage

kal tar-o-taza the gulshan mein jo chehron ke gulab

dhup mein fikron ki aaj aae to murjhane lage

dil ka chhaala zaKHm ki surat na kar le iKHtiyar

haal par ab mere apne rahm farmane lage

kal ka suraj amn ka paigham lae ya KHuda

sham aai phir gharon mein log ghabrane lage

aaj ye mahfil mein kis ne di ulaT ruKH se naqab

raushni baDhne lagi aur dip sharmane lage

qaum phir paegi 'shadan' KHwab-e-ghaflat se najat

rafta rafta hosh mein diwane ab aane lage