main nam-lewa hun tera tu moatabar kar de
maiñ nām-levā huuñ terā tū mo'atabar kar de
hayāt ḳhuub nahīñ hai tū muḳhtasar kar de
hisār-e-zāt ke zindān-e-be-amāñ kī ḳhair
ġhubār-e-rāh kī sūrat hī muntashar kar de
daroġh-e-maslahat-āmez ke ḳharābe meñ
anā-pasand mizājoñ ko dar-ba-dar kar de
ga.e dinoñ ko talāsheñ ki aglī rut meñ khuleñ
tū mausamoñ ko havāoñ se bā-ḳhabar kar de
libās-e-faqr meñ itnī tavañgarī to rahe
dil-e-ġharīb ko vus.at meñ bahr-o-bar kar de
maiñ ek umr se jaagā kiyā huuñ jis ke liye
duā-e-nīm-shabī meñ zarā asar kar de
'vaqār' shaḳhs ki shā.ir na us kī fikr na fan
tamām aib haiñ chāhe to sab hunar kar de
main nam-lewa hun tera tu mo'atabar kar de
hayat KHub nahin hai tu muKHtasar kar de
hisar-e-zat ke zindan-e-be-aman ki KHair
ghubar-e-rah ki surat hi muntashar kar de
darogh-e-maslahat-amez ke KHarabe mein
ana-pasand mizajon ko dar-ba-dar kar de
gae dinon ko talashen ki agli rut mein khulen
tu mausamon ko hawaon se ba-KHabar kar de
libas-e-faqr mein itni tawangari to rahe
dil-e-gharib ko wusat mein bahr-o-bar kar de
main ek umr se jaga kiya hun jis ke liye
dua-e-nim-shabi mein zara asar kar de
'waqar' shaKHs ki shair na us ki fikr na fan
tamam aib hain chahe to sab hunar kar de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
