maine jila ke dil use hairan kar diya

maiñ ne jilā ke dil use hairān kar diyā

jalte hue diye ko pareshān kar diyā

āsāniyoñ ke rāste ḳhud chhoḌ aa.e haiñ

dushvāriyoñ ko aise pashemān kar diyā

khultī na thī maiñ ḳhud pe bhī par tum pe khul ga.ī

ye kis tarah se tum ne mirī jaan kar diyā

lafzoñ ke biij aise mire dil meñ bo diye

is shā'irī ke dasht ko āsān kar diyā

ab to tire kahe pe dhaḌaktā hai merā dil

tū ne to dhaḌkanoñ ko bhī zindān kar diyā

ik ism paḌh ke phūñk diyā us ne 'aks par

ā.īna kar diyā mujhe hairān kar diyā

daurān-e-ḳhvāb aañkh meñ ik ḳhvāb chhoḌ kar

us ne ye merī niiñd pe ehsān kar diyā

main ne jila ke dil use hairan kar diya

jalte hue diye ko pareshan kar diya

aasaniyon ke raste KHud chhoD aae hain

dushwariyon ko aise pasheman kar diya

khulti na thi main KHud pe bhi par tum pe khul gai

ye kis tarah se tum ne meri jaan kar diya

lafzon ke bij aise mere dil mein bo diye

is sha'iri ke dasht ko aasan kar diya

ab to tere kahe pe dhaDakta hai mera dil

tu ne to dhaDkanon ko bhi zindan kar diya

ek ism paDh ke phunk diya us ne 'aks par

aaina kar diya mujhe hairan kar diya

dauran-e-KHwab aankh mein ek KHwab chhoD kar

us ne ye meri nind pe ehsan kar diya