maine kaghaz pe sajae hain jo tabut na khol

maiñ ne kāġhaz pe sajā.e haiñ jo tābūt na khol

jī uThe lafz to maiñ ḳhauf se mar jā.ūñgā

kaun ḳhushbū se havāoñ kā badan chhīntā hai

tū mire saath rahegā maiñ jidhar jā.ūñgā

reg-e-sāhil se rahī apnī shanāsā.ī to phir

ek din gahre samundar meñ utar jā.ūñgā

chāñd-tāroñ kī tarah maiñ bhī huuñ gardish meñ 'rashīd'

haañ agar tū ne pukārā to Thahar jā.ūñgā

main ne kaghaz pe sajae hain jo tabut na khol

ji uThe lafz to main KHauf se mar jaunga

kaun KHushbu se hawaon ka badan chhinta hai

tu mere sath rahega main jidhar jaunga

reg-e-sahil se rahi apni shanasai to phir

ek din gahre samundar mein utar jaunga

chand-taron ki tarah main bhi hun gardish mein 'rashid'

han agar tu ne pukara to Thahar jaunga