maine koshish ki magar tere mutabiq na bana

maiñ ne koshish kī magar tere mutābiq na banā

aur tū bhī to kabhī mere muāfiq na banā

be-adab aur gunahgār sahī ulfat meñ

tū magar mujh ko mohabbat kā munāfiq na banā

lauT aa dil ko qarār aa.egā aane se tire

be-yaqīnī na baḌhā ishq kā fāsiq na banā

matlabī log mile mujh ko sabhī duniyā meñ

dost ab tak to mirā koī bhī sādiq na banā

de na is dil ko judā.ī kī sazā jān-e-jāñ

apnā rahne de mujhe māzī-o-sābiq na banā

terī sāñseñ bhī kisī shaḳhs se vābasta hoñ

is qadar ḳhud ko kisī kā kabhī shā.eq na banā

tere qaabū meñ rahegā na kabhī dil terā

'sād' is dil kā kisī shaḳhs ko ḳhāliq na banā

main ne koshish ki magar tere mutabiq na bana

aur tu bhi to kabhi mere muafiq na bana

be-adab aur gunahgar sahi ulfat mein

tu magar mujh ko mohabbat ka munafiq na bana

lauT aa dil ko qarar aaega aane se tere

be-yaqini na baDha ishq ka fasiq na bana

matlabi log mile mujh ko sabhi duniya mein

dost ab tak to mera koi bhi sadiq na bana

de na is dil ko judai ki saza jaan-e-jaan

apna rahne de mujhe mazi-o-sabiq na bana

teri sansen bhi kisi shaKHs se wabasta hon

is qadar KHud ko kisi ka kabhi shaeq na bana

tere qabu mein rahega na kabhi dil tera

'sad' is dil ka kisi shaKHs ko KHaliq na bana