maine pahlu mein use aise biTha rakkha hai

maiñ ne pahlū meñ use aise biThā rakkhā hai

jis tarah chāñd ko bāñhoñ meñ chhupā rakkhā hai

dekh ke us pe 'ināyat ye sabhī kahte haiñ

tū ne us ko to baḌā sar pe chaḌhā rakkhā hai

dilkashī kyoñ na nazar aa.e mire chehre par

taaj chāhat kā mire sar pe sajā rakkhā hai

vo tabī'at kā zarā ek alag banda hai

ek duniyā se use maiñ ne bachā rakkhā hai

kyūñkar aa.egī ye poshāk mirī sab ko pasand

is meñ to 'ishq kā paivand lagā rakkhā hai

'nāz' kartā thā mire ghar meñ jo jalne pe kabhī

baam kā vo bhī diyā maiñ ne bujhā rakkhā hai

main ne pahlu mein use aise biTha rakkha hai

jis tarah chand ko banhon mein chhupa rakkha hai

dekh ke us pe 'inayat ye sabhi kahte hain

tu ne us ko to baDa sar pe chaDha rakkha hai

dilkashi kyon na nazar aae mere chehre par

taj chahat ka mere sar pe saja rakkha hai

wo tabi'at ka zara ek alag banda hai

ek duniya se use main ne bacha rakkha hai

kyunkar aaegi ye poshak meri sab ko pasand

is mein to 'ishq ka paiwand laga rakkha hai

'naz' karta tha mere ghar mein jo jalne pe kabhi

baam ka wo bhi diya main ne bujha rakkha hai