maine puchha KHushi mili ki nahin

maiñ ne pūchhā ḳhushī milī ki nahīñ

chīḳh kar bolī zindagī ki nahīñ

dar pe ik aarzū rakh aaya thā

vo abhī tak tumheñ milī ki nahīñ

aa.ina to jhaTak diyā tum ne

us kī jhankār bhī sunī ki nahīñ

kab se rakkhā huuñ maiñ dukāñ pe terī

koī qīmat mirī lagī ki nahīñ

itnā nashsha tumhārī āñkhoñ meñ

sach batānā kabhī chhuī ki nahīñ

kitne jhūToñ meñ sach ko rakkhā hai

baat phir bhī koī banī ki nahīñ

muddatoñ se marā paḌā huuñ maiñ

nabz dekho abhī thamī ki nahīñ

main ne puchha KHushi mili ki nahin

chiKH kar boli zindagi ki nahin

dar pe ek aarzu rakh aaya tha

wo abhi tak tumhein mili ki nahin

aaina to jhaTak diya tum ne

us ki jhankar bhi suni ki nahin

kab se rakkha hun main dukan pe teri

koi qimat meri lagi ki nahin

itna nashsha tumhaari aankhon mein

sach batana kabhi chhui ki nahin

kitne jhuTon mein sach ko rakkha hai

baat phir bhi koi bani ki nahin

muddaton se mara paDa hun main

nabz dekho abhi thami ki nahin