maine rakkha hai jise aankh mein duniya kar ke

maiñ ne rakkhā hai jise aañkh meñ duniyā kar ke

mujh ko ik roz chalā jā.egā tanhā kar ke

mere hone kā tasavvur hī mujhe de detā

vo jo baiThā hai mirī zaat pe qabza kar ke

maiñ ne sochā hai use gift meñ āñkheñ dūñgā

us ne sochā hai mujhe jā.egā andhā kar ke

zāviya us kā mirā ek nahīñ ho saktā

dekhtā hai vo mujhe aa.ina tirchhā kar ke

is liye bhī maiñ amīroñ ko nahīñ pūchhūñgā

aa to jā.eñge magar ā.eñge naḳhra kar ke

merā is mar chuke insān se rishta to nahīñ

phir bhī behtar hai ki ghar jā.ūñ maiñ tiijā kar ke

maiñ ki bad-kār tirā dhyān nahīñ rakh paatā

tū ki rakh de hai mirī zaat munazzah kar ke

us ne 'shāriq' se bahut duur basā.ī duniyā

sochā mar jā.egā is baat pe chintā kar ke

main ne rakkha hai jise aankh mein duniya kar ke

mujh ko ek roz chala jaega tanha kar ke

mere hone ka tasawwur hi mujhe de deta

wo jo baiTha hai meri zat pe qabza kar ke

main ne socha hai use gift mein aankhen dunga

us ne socha hai mujhe jaega andha kar ke

zawiya us ka mera ek nahin ho sakta

dekhta hai wo mujhe aaina tirchha kar ke

is liye bhi main amiron ko nahin puchhunga

aa to jaenge magar aaenge naKHra kar ke

mera is mar chuke insan se rishta to nahin

phir bhi behtar hai ki ghar jaun main tija kar ke

main ki bad-kar tera dhyan nahin rakh pata

tu ki rakh de hai meri zat munazzah kar ke

us ne 'shaariq' se bahut dur basai duniya

socha mar jaega is baat pe chinta kar ke