maine roka bahut par gae sab ke sab

maiñ ne rokā bahut par ga.e sab ke sab

jaane phir kyā huā Dar ga.e sab ke sab

dost kyā ab to dushman bhī mafqūd haiñ

baat kyā hai kahāñ mar ga.e sab ke sab

har-qadam par zamāna muḳhālif rahā

kaam apnā magar kar ga.e sab ke sab

din meñ sūraj ke the ham-safar din Dhale

le ke māyūsiyāñ ghar ga.e sab ke sab

peḌ sūkhe the qudrat bhī thī mehrbāñ

aaj phal-phūl se bhar ga.e sab ke sab

kyā ḳhatā thī kisī ne batāyā nahīñ

mujh pe ilzām kyuuñ dhar ga.e sab ke sab

aap tanhā bache haiñ mirī bazm meñ

varna 'jāved'-aḳhtar ga.e sab ke sab

main ne roka bahut par gae sab ke sab

jaane phir kya hua Dar gae sab ke sab

dost kya ab to dushman bhi mafqud hain

baat kya hai kahan mar gae sab ke sab

har-qadam par zamana muKHalif raha

kaam apna magar kar gae sab ke sab

din mein suraj ke the ham-safar din Dhale

le ke mayusiyan ghar gae sab ke sab

peD sukhe the qudrat bhi thi mehrban

aaj phal-phul se bhar gae sab ke sab

kya KHata thi kisi ne bataya nahin

mujh pe ilzam kyun dhar gae sab ke sab

aap tanha bache hain meri bazm mein

warna 'jawed'-aKHtar gae sab ke sab