maine socha tha is ajnabi shahr mein zindagi chalte-phirte guzar jaegi
maine socha tha is ajnabi shahr mein zindagi chalte-phirte guzar jaegi
Rasa Chughtai
MORE BYRasa Chughtai
maiñ ne sochā thā is ajnabī shahr meñ zindagī chalte-phirte guzar jā.egī
ye magar kyā ḳhabar thī ta.āqub meñ hai ek nādīda zanjīr-e-hamsā.egī
ye daraḳhtoñ ke saa.e jo chup-chāp haiñ ham mohabbat-zadoñ ke ye hamrāz haiñ
ab yahīñ dekhnā raat pichhle pahar do dhaḌakte diloñ kī sadā aa.egī
ġham kā sūraj Dhalā dard kā chāñd bhī bujh chale āñsuoñ ke diye aaj bhī
aur isī soch meñ ab sahar aa.egī ab sahar aa.egī ab sahar aa.egī
laakh phūloñ pe pahre biThāte raheñ laakh ūñchī fasīleñ uThāte raheñ
jā.egī sū-e-gulzār jab bhī sabā apnī āvāz-e-zanjīr-e-pā jā.egī
raushnī sham.a kī ḳhud gulū-gīr hai hañsnā tahzīb hai jalnā taqdīr hai
vo magar qatra-e-ashk-e-shabnam jise sub.h kī sab se pahlī kiran pā.egī
main ne socha tha is ajnabi shahr mein zindagi chalte-phirte guzar jaegi
ye magar kya KHabar thi taaqub mein hai ek nadida zanjir-e-hamsaegi
ye daraKHton ke sae jo chup-chap hain hum mohabbat-zadon ke ye hamraaz hain
ab yahin dekhna raat pichhle pahar do dhaDakte dilon ki sada aaegi
gham ka suraj Dhala dard ka chand bhi bujh chale aansuon ke diye aaj bhi
aur isi soch mein ab sahar aaegi ab sahar aaegi ab sahar aaegi
lakh phulon pe pahre biThate rahen lakh unchi fasilen uThate rahen
jaegi su-e-gulzar jab bhi saba apni aawaz-e-zanjir-e-pa jaegi
raushni shama ki KHud gulu-gir hai hansna tahzib hai jalna taqdir hai
wo magar qatra-e-ashk-e-shabnam jise subh ki sab se pahli kiran paegi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
