maine tujhe tujhse kabhi haT kar nahin dekha

maiñ ne tujhe tujh se kabhī haT kar nahīñ dekhā

jo kuchh bhī huā us ko palaT kar nahīñ dekhā

jab se ki nigāhoñ meñ basī hai tirī sūrat

qur.ān ke aurāq ulaT kar nahīñ dekhā

rātoñ ko añdhere hī nigahbān the tere

tujh ko tirī nīñdoñ ne uchaT kar nahīñ dekhā

me.aar kā qīmat kā kahāñ us ko pata ho

jis maal ne ḳhairāt meñ baT kar nahīñ dekhā

ik chiiz samundar hai magar tū ne kabhī bhī

maujoñ kī ravānī se lipaT kar nahīñ dekhā

ik qādrī rutba hai 'jamīl' apne liye bhī

ḳhud ko kisī andāz se ghaT kar nahīñ dekhā

main ne tujhe tujh se kabhi haT kar nahin dekha

jo kuchh bhi hua us ko palaT kar nahin dekha

jab se ki nigahon mein basi hai teri surat

quran ke auraq ulaT kar nahin dekha

raaton ko andhere hi nigahban the tere

tujh ko teri nindon ne uchaT kar nahin dekha

mear ka qimat ka kahan us ko pata ho

jis mal ne KHairaat mein baT kar nahin dekha

ek chiz samundar hai magar tu ne kabhi bhi

maujon ki rawani se lipaT kar nahin dekha

ek qadri rutba hai 'jamil' apne liye bhi

KHud ko kisi andaz se ghaT kar nahin dekha