main pahli bar is jangal se guzra tha to sab aisa nahin tha

maiñ pahlī baar is jangal se guzrā thā to sab aisā nahīñ thā

yahāñ kuchh kuchh parinde bolne vaale the sannāTā nahīñ thā

mohabbat ne mujhe qaid-e-anāsir se bahut aage bulāyā

magar maiñ apnī miTTī ke shikanje se nikal paayā nahīñ thā

ye tū ne kis liye āñchal pe taaza ḳhvāhishoñ ke phuul kāḌhe

tire pallū se kyā bāñdhā huā vo reshmī vā'da nahīñ thā

ba-qadr-e-ārzū merā samundar se ta'alluq thā na lekin

maiñ uthle pāniyoñ se apnā rishta joḌne vaalā nahīñ thā

mirī taqdīr meñ kuchh sarfarāzī ke hare lamhe likhe the

numū paate hī jo pāmāl ho jaa.e maiñ vo sabza nahīñ thā

ḳhamoshī barf kī mānind hoñToñ par jamī rahtī thī 'yāvar'

gulābī lafz ke bāhar nikalne kā koī rasta nahīñ thā

main pahli bar is jangal se guzra tha to sab aisa nahin tha

yahan kuchh kuchh parinde bolne wale the sannaTa nahin tha

mohabbat ne mujhe qaid-e-anasir se bahut aage bulaya

magar main apni miTTi ke shikanje se nikal paya nahin tha

ye tu ne kis liye aanchal pe taza KHwahishon ke phul kaDhe

tere pallu se kya bandha hua wo reshmi wa'da nahin tha

ba-qadr-e-arzu mera samundar se ta'alluq tha na lekin

main uthle paniyon se apna rishta joDne wala nahin tha

meri taqdir mein kuchh sarfaraazi ke hare lamhe likhe the

numu pate hi jo pamal ho jae main wo sabza nahin tha

KHamoshi barf ki manind honTon par jami rahti thi 'yawar'

gulabi lafz ke bahar nikalne ka koi rasta nahin tha