main shairi ka faqat ishtihaar karta hun

maiñ shā'irī kā faqat ishtihār kartā huuñ

guloñ se 'ishq parindoñ se pyaar kartā huuñ

mire badan pe thakan dekh kaise bikhrī hai

ki jaise roz samundar ko paar kartā huuñ

vo sāda-dil hai guzartī ho jaane kyā us par

maiñ jis tarah se use be-qarār kartā huuñ

maiñ terī bātoñ ko suntā huuñ jo ḳhamoshī se

tujhe lagā ki tirā e'tibār kartā huuñ

maiñ baiTh jaatā huuñ har shaam ghar kī chaukhaT par

phir apne lauTne kā intizār kartā huuñ

bas ab kī baar to mar kar bhī dekhnā hai mujhe

koī bhī kaam ho maiñ ek baar kartā huuñ

main sha'iri ka faqat ishtihaar karta hun

gulon se 'ishq parindon se pyar karta hun

mere badan pe thakan dekh kaise bikhri hai

ki jaise roz samundar ko par karta hun

wo sada-dil hai guzarti ho jaane kya us par

main jis tarah se use be-qarar karta hun

main teri baaton ko sunta hun jo KHamoshi se

tujhe laga ki tera e'tibar karta hun

main baiTh jata hun har sham ghar ki chaukhaT par

phir apne lauTne ka intizar karta hun

bas ab ki bar to mar kar bhi dekhna hai mujhe

koi bhi kaam ho main ek bar karta hun