main shajar hun apne sae ka sila leta nahin

maiñ shajar huuñ apne saa.e kā sila letā nahīñ

ḳhosha-chīñ ho yā musāfir shukriya kahtā nahīñ

sach hī kahte ho ki jitnā vo hai maiñ utnā nahīñ

shāyad achchhā hai ki jaisā vo hai maiñ vaisā nahīñ

ik musāfir kī tarah huuñ koī ghar merā nahīñ

dil meñ kuchh āzār haiñ yā shahr hī achchhā nahīñ

bārish aa.ī dhul ga.e āñkhoñ ke vīrāñ tāqche

shaam thak kar so ga.ī māh-e-tamām aayā nahīñ

tere harf-e-talḳh se is dil meñ jitne daaġh haiñ

rokte har baar haiñ lekin rahā jaatā nahīñ

rone vaale rā.egāñ kī ret par mehnat na kar

narm rut kā phuul hai dil aag meñ khiltā nahīñ

main shajar hun apne sae ka sila leta nahin

KHosha-chin ho ya musafir shukriya kahta nahin

sach hi kahte ho ki jitna wo hai main utna nahin

shayad achchha hai ki jaisa wo hai main waisa nahin

ek musafir ki tarah hun koi ghar mera nahin

dil mein kuchh aazar hain ya shahr hi achchha nahin

barish aai dhul gae aankhon ke viran taqche

sham thak kar so gai mah-e-tamam aaya nahin

tere harf-e-talKH se is dil mein jitne dagh hain

rokte har bar hain lekin raha jata nahin

rone wale raegan ki ret par mehnat na kar

narm rut ka phul hai dil aag mein khilta nahin