main sochta hun sabaq maine wo paDha hi nahin

maiñ sochtā huuñ sabaq maiñ ne vo paḌhā hī nahīñ

mire junūñ kī hikāyat meñ jo likhā hī nahīñ

maiñ sochtā huuñ zuleḳhā kī kuchh ḳhabar aa.e

mire sivā kahīñ yūsuf kā kuchh patā hī nahīñ

maiñ sochtā hū ki apne ḳhudā se kah Dālūñ

vo sab jo maiñ ne kabhī aaj tak kahā hī nahīñ

maiñ sochtā huuñ ki sab to the gosh-bar-āvāz

vahī thā ek ki jis ne kahā sunā hī nahīñ

maiñ sochtā huuñ kabhī raat ke añdheroñ meñ

charāġh vo bhī jale jo kabhī jalā hī nahīñ

maiñ sochtā huuñ jo ḳhāmoshiyoñ ke sahrā meñ

sadā kī dhund meñ saa.at kā kuchh patā hī nahīñ

maiñ sochtā huuñ ki daanā hī aisā kahte haiñ

ye sar to ġhair ke aage kabhī jhukā hī nahīñ

main sochta hun sabaq main ne wo paDha hi nahin

mere junun ki hikayat mein jo likha hi nahin

main sochta hun zuleKHa ki kuchh KHabar aae

mere siwa kahin yusuf ka kuchh pata hi nahin

main sochta hu ki apne KHuda se kah Dalun

wo sab jo main ne kabhi aaj tak kaha hi nahin

main sochta hun ki sab to the gosh-bar-awaz

wahi tha ek ki jis ne kaha suna hi nahin

main sochta hun kabhi raat ke andheron mein

charagh wo bhi jale jo kabhi jala hi nahin

main sochta hun jo KHamoshiyon ke sahra mein

sada ki dhund mein saat ka kuchh pata hi nahin

main sochta hun ki dana hi aisa kahte hain

ye sar to ghair ke aage kabhi jhuka hi nahin