main sochti hun ki ai rab furaat kyon nahin ki

maiñ sochtī huuñ ki ai rab furāt kyoñ nahīñ kī

kushāda ham pe zamīn-e-hayāt kyoñ nahīñ kī

kisī ne pūchhā hai ghabrā ke jaane vāloñ se

basar sarā.e meñ ik aur raat kyoñ nahīñ kī

bas itnī baat pe munsif sazā.eñ detā rahā

qubūl shahr ke logoñ ne maat kyoñ nahīñ kī

bañdhe the haath hamāre so ham se mat pūchho

uThā ke haath du’ā-e-najāt kyoñ nahīñ kī

mirā to zaḳhm hī nāsūr ban gayā tū ne

'ilāj karte hue ehtiyāt kyoñ nahīñ kī

mire qabīle ke sardār vo munāfiq haiñ

zabān kaaT ke kahte haiñ baat kyoñ nahīñ kī

main sochti hun ki ai rab furaat kyon nahin ki

kushada hum pe zamin-e-hayat kyon nahin ki

kisi ne puchha hai ghabra ke jaane walon se

basar sarae mein ek aur raat kyon nahin ki

bas itni baat pe munsif sazaen deta raha

qubul shahr ke logon ne mat kyon nahin ki

bandhe the hath hamare so hum se mat puchho

uTha ke hath du’a-e-najat kyon nahin ki

mera to zaKHm hi nasur ban gaya tu ne

'ilaj karte hue ehtiyat kyon nahin ki

mere qabile ke sardar wo munafiq hain

zaban kaT ke kahte hain baat kyon nahin ki