main surKH phul ko chhu kar palaTne wala tha

maiñ surḳh phuul ko chhū kar palaTne vaalā thā

vo jazb thā ki mirā jism kaTne vaalā thā

us ek rañg se paidā huī ye qaus-e-quzah

vo ek rañg jo manzar se ha.Tne vaalā thā

mire qarīb hī ik taaq meñ kitābeñ thiiñ

magar ye dhyān kahīñ aur baTne vaalā thā

ajiib shaan se utrī thī dhuup ḳhvāhish kī

maiñ apne saa.e se jaise lipaTne vaalā thā

tavīl guftugū hotī rahī sitāroñ se

nigār-ḳhāna-e-hastī ulaTne vaalā thā

zamīñ pe āmad-e-ādam kā shor barpā huā

vagarna rizq farishtoñ meñ baTne vaalā thā

ḳhudā kā shukr hai nashsha utar gayā merā

ki maiñ subū meñ samundar ulaTne vaalā thā

lapak rahī thī koī aag is taraf 'āzar'

maiñ us se duur bahut duur ha.Tne vaalā thā

main surKH phul ko chhu kar palaTne wala tha

wo jazb tha ki mera jism kaTne wala tha

us ek rang se paida hui ye qaus-e-quzah

wo ek rang jo manzar se haTne wala tha

mere qarib hi ek taq mein kitaben thin

magar ye dhyan kahin aur baTne wala tha

ajib shan se utri thi dhup KHwahish ki

main apne sae se jaise lipaTne wala tha

tawil guftugu hoti rahi sitaron se

nigar-KHana-e-hasti ulaTne wala tha

zamin pe aamad-e-adam ka shor barpa hua

wagarna rizq farishton mein baTne wala tha

KHuda ka shukr hai nashsha utar gaya mera

ki main subu mein samundar ulaTne wala tha

lapak rahi thi koi aag is taraf 'azar'

main us se dur bahut dur haTne wala tha