main tang-dasti-e-mohlat se itna chahta hun

maiñ tañg-dastī-e-mohlat se itnā chāhtā huuñ

ḳhud apne aap se ek baar milnā chāhtā huuñ

sivā bharam kahīñ kuchh bhī nahīñ hai to phir bhī

maiñ thoḌī duur tire saath chalnā chāhtā huuñ

maiñ ḳhud pe qahr bhī Dhā.ūñ hifāzateñ bhī karūñ

maiñ is ḳhudā.ī sifat ko baratnā chāhtā huuñ

maiñ chāhtā huuñ sahāroñ ke saath saath rahūñ

maiñ laḌkhaḌā.e binā hī sambhalnā chāhtā huuñ

savāl phir se hai kirdār ko badalne kā

maiñ ab kī baar bhī kapḌe badalnā chāhtā huuñ

har ek show se mohabbat hai is liye mujh ko

maiñ nafratoñ ke tasavvur se bachnā chāhtā huuñ

main tang-dasti-e-mohlat se itna chahta hun

KHud apne aap se ek bar milna chahta hun

siwa bharam kahin kuchh bhi nahin hai to phir bhi

main thoDi dur tere sath chalna chahta hun

main KHud pe qahr bhi Dhaun hifazaten bhi karun

main is KHudai sifat ko baratna chahta hun

main chahta hun sahaaron ke sath sath rahun

main laDkhaDae bina hi sambhalna chahta hun

sawal phir se hai kirdar ko badalne ka

main ab ki bar bhi kapDe badalna chahta hun

har ek show se mohabbat hai is liye mujh ko

main nafraton ke tasawwur se bachna chahta hun