main tera koi nahin phir bhi puchh baiTha hun

maiñ terā koī nahīñ phir bhī pūchh baiThā huuñ

ye āñsuoñ kī chamak hai ki chashm-e-tar meñ charāġh

har ek shaḳhs ko miltā kahāñ hai raushan haath

ki rab jalātā nahīñ dast-e-be-hunar meñ charāġh

to ham bhī raat ke jañgal meñ so ga.e hote

na bante paañv ke chhāle agar safar meñ charāġh

maiñ raushnī ke ta.āqub meñ kuchh na dekh sakā

lagī vo Thes ki dhuñdlā ga.e nazar meñ charāġh

jalā ke chhoḌ diyā kis ne bahte dariyā meñ

na ye bhī sochā ki aa saktā hai bhañvar meñ charāġh

tumhārā shahr mire gaañv se hai kitnā alag

yahāñ guloñ kī jagah khilte haiñ shajar meñ charāġh

dil-o-dimāġh meñ bharne lagā hai raat kā Dar

jalānā bhuul ga.e log rahguzar meñ charāġh

main tera koi nahin phir bhi puchh baiTha hun

ye aansuon ki chamak hai ki chashm-e-tar mein charagh

har ek shaKHs ko milta kahan hai raushan hath

ki rab jalata nahin dast-e-be-hunar mein charagh

to hum bhi raat ke jangal mein so gae hote

na bante panw ke chhaale agar safar mein charagh

main raushni ke taaqub mein kuchh na dekh saka

lagi wo Thes ki dhundla gae nazar mein charagh

jala ke chhoD diya kis ne bahte dariya mein

na ye bhi socha ki aa sakta hai bhanwar mein charagh

tumhaara shahr mere ganw se hai kitna alag

yahan gulon ki jagah khilte hain shajar mein charagh

dil-o-dimagh mein bharne laga hai raat ka Dar

jalana bhul gae log rahguzar mein charagh