main uski aankh mein aansu na dekh paunga

maiñ us kī aañkh meñ aañsū na dekh pā.ūñgā

vo ek buuñd bhī royā to Duub jā.ūñgā

bahār aa.e to shāyad vo bhuul jaa.e mujhe

maiñ apne sahn meñ paudā magar lagā.ūñgā

vo jis ko zaḳhm mire yaad karte rahte haiñ

usī ko DhūñD ke phir zindagī meñ lā.ūñgā

vo merī sub.h kā sūraj bane bane na bane

maiñ us kī shab meñ sitāroñ sā jagmagā.uñgā

ab apne aap se ik zid sī ho ga.ī hai mujhe

maiñ zaḳhm khā.ūñgā taḌpūñgā muskurā.ūñgā

maiñ jis kī zaat se kuchh mo'atabar sā lagtā huuñ

usī ke haq meñ duāoñ ke dar sajā.ūñgā

mirā vajūd ajab pattharoñ kī zad par hai

agar maiñ sar na jhukā.ūñ to TuuT jā.ūñgā

maiñ jāntā huuñ tujhe merī shaam yaad nahīñ

maiñ intizār kī sham.eñ magar jalā.ūñgā

mirī giraft meñ jugnū bhī aa nahīñ paate

maiñ us ke vāste taare kahāñ se lā.ūñgā

main us ki aankh mein aansu na dekh paunga

wo ek bund bhi roya to Dub jaunga

bahaar aae to shayad wo bhul jae mujhe

main apne sahn mein pauda magar lagaunga

wo jis ko zaKHm mere yaad karte rahte hain

usi ko DhunD ke phir zindagi mein launga

wo meri subh ka suraj bane bane na bane

main us ki shab mein sitaron sa jagmagaunga

ab apne aap se ek zid si ho gai hai mujhe

main zaKHm khaunga taDpunga muskuraunga

main jis ki zat se kuchh mo'atabar sa lagta hun

usi ke haq mein duaon ke dar sajaunga

mera wajud ajab pattharon ki zad par hai

agar main sar na jhukaun to TuT jaunga

main jaanta hun tujhe meri sham yaad nahin

main intizar ki shamen magar jalaunga

meri giraft mein jugnu bhi aa nahin pate

main us ke waste tare kahan se launga