main use apne muqabil dekh kar ghabra gaya
maiñ use apne muqābil dekh kar ghabrā gayā
ik sarāpā mujh ko zanjīreñ na.ī pahnā gayā
maiñ to jal kar bujh chukā thā ik khañDar kī god meñ
vo na jaane kyuuñ mujhe hañstā huā yaad aa gayā
maiñ zamīñ kī vus.atoñ meñ sar se pā tak ġharq thā
vo nazar ke sāmne ik āsmāñ phailā gayā
soch ke dhāgoñ meñ lipTā merā apnā jism thā
ek lamha mujh ko apnī zaat meñ uljhā gayā
maiñ to shāyad vaqt ke sāñche meñ Dhal jaatā 'nisār'
koī mujh ko māvarā kī dāstāñ samjhā gayā
main use apne muqabil dekh kar ghabra gaya
ek sarapa mujh ko zanjiren nai pahna gaya
main to jal kar bujh chuka tha ek khanDar ki god mein
wo na jaane kyun mujhe hansta hua yaad aa gaya
main zamin ki wusaton mein sar se pa tak gharq tha
wo nazar ke samne ek aasman phaila gaya
soch ke dhagon mein lipTa mera apna jism tha
ek lamha mujh ko apni zat mein uljha gaya
main to shayad waqt ke sanche mein Dhal jata 'nisar'
koi mujh ko mawara ki dastan samjha gaya
- Book : Dariche (Pg. 23)
- Author : Bashir Saifi
- Publication : Shakhsar Publishers (1975)
- Edition : 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
