main use dekhun bhala kab mujhse dekha jae hai

maiñ use dekhūñ bhalā kab mujh se dekhā jaa.e hai

husn kī light se merī aañkh chuñdhiyā jaa.e hai

jab se beauty parlour se ho ke aaya vo hasīñ

saañp kī mānind us kī zulf bal khā jaa.e hai

aadmī kī jab nazar meñ qadr kho de aadmī

bakre ke badle meñ us kā sar bhī jhaTkā jaa.e hai

vo jo aa jaa.eñ mirī mayyat pe rone ke liye

ḳhud-baḳhud merā kafan chehre se sarkā jaa.e hai

meat khāne kā unheñ picnic meñ bhī chaska hai kyā

kaar ke bonnet pe baiThā saath murġhā jaa.e hai

rang khul jaa.e haiñ un ke gaal par holī ke din

painT kaalā bhī agar ho ruḳh pe khultā jaa.e hai

hai nagar meñ aadmī kā Dañgaroñ kā sā chalan

har saḌak ke khambe se vo piiTh khujlā jaa.e hai

kis bharose leaderī kā dam bharūñ maiñ āj-kal

ḳhaas chamcha thā jo merā vo bhī katrā jaa.e hai

tez sāñseñ chal rahī hoñ husn kī garmī se jab

achchhe achchhe āshiqoñ kā dam bhī ghuTtā jaa.e hai

thaan par ḳhachchar ke maiñ ne uuñT bāñdhā thā jo kal

rang us par vo chaḌhā ki hinhinātā jaa.e hai

ye salīqa ḳhuub dekhā 'rāz' ne kal bazm meñ

jo na piitā ho usī par jaam Daalā jaa.e he

main use dekhun bhala kab mujh se dekha jae hai

husn ki light se meri aankh chundhiya jae hai

jab se beauty parlour se ho ke aaya wo hasin

sanp ki manind us ki zulf bal kha jae hai

aadmi ki jab nazar mein qadr kho de aadmi

bakre ke badle mein us ka sar bhi jhaTka jae hai

wo jo aa jaen meri mayyat pe rone ke liye

KHud-baKHud mera kafan chehre se sarka jae hai

meat khane ka unhen picnic mein bhi chaska hai kya

kar ke bonnet pe baiTha sath murgha jae hai

rang khul jae hain un ke gal par holi ke din

painT kala bhi agar ho ruKH pe khulta jae hai

hai nagar mein aadmi ka Dangaron ka sa chalan

har saDak ke khambe se wo piTh khujla jae hai

kis bharose leaderi ka dam bharun main aaj-kal

KHas chamcha tha jo mera wo bhi katra jae hai

tez sansen chal rahi hon husn ki garmi se jab

achchhe achchhe aashiqon ka dam bhi ghuTta jae hai

than par KHachchar ke main ne unT bandha tha jo kal

rang us par wo chaDha ki hinhinata jae hai

ye saliqa KHub dekha 'raaz' ne kal bazm mein

jo na pita ho usi par jam Dala jae he