main zamin Thahra to usko aasman hona hi tha

maiñ zamīñ Thahrā to us ko āsmāñ honā hī thā

āsmāñ ho kar use nā-mehrbāñ honā hī thā

pyaas kī tahrīr se to ye ayaañ honā hī thā

be-nishāñ bātil to haq ko jāvedāñ honā hī thā

ruuh kī tajsīm se mumkin huī hai zindagī

lā-makāñ ke vāste bhī ik makāñ honā hī thā

vo gunah kī sarzamīñ par jannatoñ kā ḳhvāb thā

is tarah ke ḳhvāb ko to rā.egāñ honā hī thā

kab thī firdaus-e-barīñ meñ lazzat-e-lutf-e-gunah

is zamīñ kī justujū meñ kuchh ziyāñ honā hī thā

be nishāñ rastoñ pe ab tak gāmzan hai ye zamīñ

is liye bhī āsmāñ ko be-karāñ honā hī thā

meñ chalā thā raat ko bhī din banāne ke liye

sar pe mere dhuup ko phir sā.ebāñ honā hī thā

main zamin Thahra to us ko aasman hona hi tha

aasman ho kar use na-mehrban hona hi tha

pyas ki tahrir se to ye ayan hona hi tha

be-nishan baatil to haq ko jawedan hona hi tha

ruh ki tajsim se mumkin hui hai zindagi

la-makan ke waste bhi ek makan hona hi tha

wo gunah ki sarzamin par jannaton ka KHwab tha

is tarah ke KHwab ko to raegan hona hi tha

kab thi firdaus-e-barin mein lazzat-e-lutf-e-gunah

is zamin ki justuju mein kuchh ziyan hona hi tha

be nishan raston pe ab tak gamzan hai ye zamin

is liye bhi aasman ko be-karan hona hi tha

mein chala tha raat ko bhi din banane ke liye

sar pe mere dhup ko phir saeban hona hi tha