main zindagi ke din aise sanwar leta hun

maiñ zindagī ke din aise sañvār letā huuñ

ki tere saath meñ kuchh pal guzār letā huuñ

maiñ dūsroñ kī ḳhushī ḳhud se pahle rakhtā huuñ

jahāñ pe jiit bhī saktā huuñ haar letā huuñ

pukārte haiñ musībat meñ log apnoñ ko

so maiñ bhī apne ġhamoñ ko pukār letā huuñ

sañbhāl letā huuñ ḳhud ko maiñ laḌkhaḌā kar bhī

jahāñ bhī girtā huuñ raste sudhār letā huuñ

main zindagi ke din aise sanwar leta hun

ki tere sath mein kuchh pal guzar leta hun

main dusron ki KHushi KHud se pahle rakhta hun

jahan pe jit bhi sakta hun haar leta hun

pukarte hain musibat mein log apnon ko

so main bhi apne ghamon ko pukar leta hun

sanbhaal leta hun KHud ko main laDkhaDa kar bhi

jahan bhi girta hun raste sudhaar leta hun