makan-e-dil mein darwaza nahin hai

makān-e-dil meñ darvāza nahīñ hai

kisī ne aap ko dekhā nahīñ hai

mujhe tum se koī shikva nahīñ hai

abhī tum ne mujhe samjhā nahīñ hai

hameñ chāheñ na chāheñ un kī marzī

mohabbat hai ye samjhautā nahīñ hai

bahut saada hai merī zindagānī

maiñ tum par jaan apnī vaar dūñgā

abhī tum ne mujhe parkhā nahīñ hai

tamannāoñ kā uljhāvā nahīñ hai

ghir aayā hai mirī āñkhoñ kā bādal

abhī ye TuuT kar barsā nahīñ hai

ye maanā muḳhtasar hai laakh lekin

hamārī zindagī dhokā nahīñ hai

maiñ sub.h-o-shām kartā huuñ tilāvat

mujhe ab jaan kā ḳhatra nahīñ hai

sabhī ke saath apne apne ġham haiñ

yahāñ par koī bhī tanhā nahīñ hai

vahī bachche muḳhālif ho rahe haiñ

buzurgoñ ne jinheñ Tokā nahīñ hai

use ḳhauf-e-ilāhī kis qadar hai

na jaane kab se vo soyā nahīñ hai

ham apnī marzī se jiite haiñ 'fārūq'

kisī se koī samjhauta nahīñ hai

makan-e-dil mein darwaza nahin hai

kisi ne aap ko dekha nahin hai

mujhe tum se koi shikwa nahin hai

abhi tum ne mujhe samjha nahin hai

hamein chahen na chahen un ki marzi

mohabbat hai ye samjhauta nahin hai

bahut sada hai meri zindagani

main tum par jaan apni war dunga

abhi tum ne mujhe parkha nahin hai

tamannaon ka uljhawa nahin hai

ghir aaya hai meri aankhon ka baadal

abhi ye TuT kar barsa nahin hai

ye mana muKHtasar hai lakh lekin

hamari zindagi dhoka nahin hai

main subh-o-sham karta hun tilawat

mujhe ab jaan ka KHatra nahin hai

sabhi ke sath apne apne gham hain

yahan par koi bhi tanha nahin hai

wahi bachche muKHalif ho rahe hain

buzurgon ne jinhen Toka nahin hai

use KHauf-e-ilahi kis qadar hai

na jaane kab se wo soya nahin hai

hum apni marzi se jite hain 'faruq'

kisi se koi samjhauta nahin hai