makan ka baiThta hai dil ye baat kahte hue
makāñ kā baiThtā hai dil ye baat kahte hue
sutūn thak ga.e haiñ chhat kā bojh sahte hue
tamām raat baneñge mahal nigāhoñ meñ
tamām din ko hī phir dekhnā hai Dhahte hue
hazār mas.ale vābasta terī jaan se aur
mirī bhī kaT rahī hai uljhanoñ meñ rahte hue
phir us ne kar hī dī āḳhir havāle lahroñ ke
ḳhilāf jā rahī thī naav us ke bahte hue
zabāñ pe kaash vo aa jaa.e yak-ba-yak hī kabhī
vo ruk gayā hai jise yak-ba-yak hī kahte hue
maiñ apnī aañkh kā ai kaash koī ik aañsū
kisī kī aañkh se dekhūñ kabhī to bahte hue
makan ka baiThta hai dil ye baat kahte hue
sutun thak gae hain chhat ka bojh sahte hue
tamam raat banenge mahal nigahon mein
tamam din ko hi phir dekhna hai Dhahte hue
hazar masale wabasta teri jaan se aur
meri bhi kaT rahi hai uljhanon mein rahte hue
phir us ne kar hi di aaKHir hawale lahron ke
KHilaf ja rahi thi naw us ke bahte hue
zaban pe kash wo aa jae yak-ba-yak hi kabhi
wo ruk gaya hai jise yak-ba-yak hi kahte hue
main apni aankh ka ai kash koi ek aansu
kisi ki aankh se dekhun kabhi to bahte hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
