makan se dur kahin la-makan mein rahti hun

makāñ se duur kahīñ lā-makāñ meñ rahtī huuñ

zamīñ pe hote hue āsmāñ meñ rahtī huuñ

hai jis ke haath meñ ye bāg-Dor aalam kī

bahut sukūn se us kī amaañ meñ rahtī huuñ

ḳhabar jo lene chale ho ye hālat-e-dil hai

mujhe ḳhabar hī kahāñ kis jahāñ meñ rahtī huuñ

varaq varaq pe haiñ phaile hurūf-e-nā-bīnā

mohabbatoñ kī har ik dāstāñ meñ rahtī huuñ

husūl-e-ishq kī sab kāvisheñ haiñ lā-hāsil

maiñ dastaras se pare ik jahāñ meñ rahtī huuñ

har ik talab se huī be-niyāz-o-begāna

basā ke dil meñ use āstāñ meñ rahtī huuñ

safīr ban ke havāoñ kī duur tak jā.ūñ

maiñ musht-e-ḳhāk huuñ mauj-e-ravāñ meñ rahtī huuñ

makan se dur kahin la-makan mein rahti hun

zamin pe hote hue aasman mein rahti hun

hai jis ke hath mein ye bag-Dor aalam ki

bahut sukun se us ki aman mein rahti hun

KHabar jo lene chale ho ye haalat-e-dil hai

mujhe KHabar hi kahan kis jahan mein rahti hun

waraq waraq pe hain phaile huruf-e-na-bina

mohabbaton ki har ek dastan mein rahti hun

husul-e-ishq ki sab kawishen hain la-hasil

main dastaras se pare ek jahan mein rahti hun

har ek talab se hui be-niyaz-o-begana

basa ke dil mein use aastan mein rahti hun

safir ban ke hawaon ki dur tak jaun

main musht-e-KHak hun mauj-e-rawan mein rahti hun