malal ji pe na yun ek chaaragar ne liya

malāl jī pe na yuuñ ek chārāgar ne liyā

asar jo merī udāsī kā bām-o-dar ne liyā

baTā rahā yūñhī ġham-hā-e-rozgār kā bojh

kuchh apne dil ne sambhālā kuchh apne sar ne liyā

luTe to luT ke ye tauqīr bhī hamīñ ko milī

ga.e jidhar bhī hameñ sar pe rah-guzar ne liyā

jo shīsha TuuTā chunā dil ne reza reza use

jo rañg bikhrā vo palkoñ pe chashm-e-tar ne liyā

ham aise ḳhāna-ḳharāboñ se aur kyā miltā

bas ek lutf-e-tamāshā nazar nazar ne liyā

ye sochtā huuñ to Dastī hai aur shāḳh-e-chaman

sukūñ kā naam hī kyuuñ ik shikastā-par ne liyā

jo ghar meñ par-tav-e-zau thā use bujhā ga.ī raat

jo dil meñ virsa-e-ḳhūñ thā vo sab sahar ne liyā

ḳhayāl-e-be-ḳhabrāñ to bahut rahā un ko

patā kuchh apnā bhī yārān-e-bā-ḳhabar ne liyā

dil ashk ashk dimāġh aag aag hai 'mahshar'

ye intiqām bhī mujh se mire hunar ne liyā

malal ji pe na yun ek chaaragar ne liya

asar jo meri udasi ka baam-o-dar ne liya

baTa raha yunhi gham-ha-e-rozgar ka bojh

kuchh apne dil ne sambhaala kuchh apne sar ne liya

luTe to luT ke ye tauqir bhi hamin ko mili

gae jidhar bhi hamein sar pe rah-guzar ne liya

jo shisha TuTa chuna dil ne reza reza use

jo rang bikhra wo palkon pe chashm-e-tar ne liya

hum aise KHana-KHarabon se aur kya milta

bas ek lutf-e-tamasha nazar nazar ne liya

ye sochta hun to Dasti hai aur shaKH-e-chaman

sukun ka nam hi kyun ek shikasta-par ne liya

jo ghar mein par-taw-e-zau tha use bujha gai raat

jo dil mein wirsa-e-KHun tha wo sab sahar ne liya

KHayal-e-be-KHabran to bahut raha un ko

pata kuchh apna bhi yaran-e-ba-KHabar ne liya

dil ashk ashk dimagh aag aag hai 'mahshar'

ye intiqam bhi mujh se mere hunar ne liya