malal umr-e-gurezan ka karte rahte hain
malāl umr-e-gurezāñ kā karte rahte haiñ
ye log zinda nahīñ roz marte rahte haiñ
havas kā zor kisī taur kam nahīñ hotā
qanā.atoñ ke gharauñde bikharte rahte haiñ
diye bujhānā girānā guloñ ko shāḳhoñ se
havā ke haath sadā kaam karte rahte haiñ
ye dil ga.e hue logoñ kī yaad se raushan
is aa.ine meñ bahut aks ubharte rahte haiñ
kisī tasalsul-e-zanjīr ke sivā kyā haiñ
jo log roz nazar se guzarte rahte haiñ
galī meñ ghuum rahe haiñ firāq ke aaseb
makān band kiye ham bhī Darte rahte haiñ
kisī bhī ḳhvāb kī takmīl ġhair-mumkin hai
jo kaam ho nahīñ saktā vo karte rahte haiñ
malal umr-e-gurezan ka karte rahte hain
ye log zinda nahin roz marte rahte hain
hawas ka zor kisi taur kam nahin hota
qanaaton ke gharaunde bikharte rahte hain
diye bujhana girana gulon ko shaKHon se
hawa ke hath sada kaam karte rahte hain
ye dil gae hue logon ki yaad se raushan
is aaine mein bahut aks ubharte rahte hain
kisi tasalsul-e-zanjir ke siwa kya hain
jo log roz nazar se guzarte rahte hain
gali mein ghum rahe hain firaq ke aaseb
makan band kiye hum bhi Darte rahte hain
kisi bhi KHwab ki takmil ghair-mumkin hai
jo kaam ho nahin sakta wo karte rahte hain
- Book : Kulliyat-e-Asad Badayuni (Pg. 356)
- Author : Asad Badayuni
- Publication : National Council for Promotion of Urdu language-NCPUL (2008)
- Edition : 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
