malba haTa ke aankh ki kirchi uThai thi

malba haTā ke aañkh kī kirchī uThā.ī thī

dīvār-e-ḳhvāb niiñd ne tirchhī uThā.ī thī

radd-e-duā kā nisf asāsa tumhāre naam

tum ne bhī mere saath hathelī uThā.ī thī

hāthoñ ko dil ne ḳhuun kī tarsīl rok dī

maiñ ne tumhārī yaad pe unglī uThā.ī thī

mujh ko mire hī dūsre baazū ne Das liyā

shahr-e-havas se sone kī Dhelī uThā.ī thī

ham jaag to rahe the magar jānte na the

kab āsmāñ ne aañkh se surḳhī uThā.ī thī

ik harf-e-badduā se mire haath uTh ga.e

ik shahr-e-be-charāġh se miTTī uThā.ī thī

kuchh is liye bhī is kī nahīñ dekh-bhāl kī

ham ne badan kī koTharī girvī uThā.ī thī

malba haTa ke aankh ki kirchi uThai thi

diwar-e-KHwab nind ne tirchhi uThai thi

radd-e-dua ka nisf asasa tumhaare nam

tum ne bhi mere sath hatheli uThai thi

hathon ko dil ne KHun ki tarsil rok di

main ne tumhaari yaad pe ungli uThai thi

mujh ko mere hi dusre bazu ne Das liya

shahr-e-hawas se sone ki Dheli uThai thi

hum jag to rahe the magar jaante na the

kab aasman ne aankh se surKHi uThai thi

ek harf-e-baddua se mere hath uTh gae

ek shahr-e-be-charagh se miTTi uThai thi

kuchh is liye bhi is ki nahin dekh-bhaal ki

hum ne badan ki koThari girwi uThai thi