man ke bargad tale angaron ki mala bhi japi

man ke bargad tale añgāroñ kī maalā bhī japī

mujh se gautam kī tarah aag meñ champā na khilī

raat tanhā.ī ne kamre meñ jo karvaT badlī

niiñd āñkhoñ ko kisī saañp ke phan jaisī lagī

mere hī saañs se mere hī badan kī chādar

kaun samjhā.e kise aa.e yaqīñ kaise jalī

is bhare shahr meñ apnāyā kisī ne na jise

maiñ ne dekhā to 'razī' laash vo merī niklī

man ke bargad tale angaron ki mala bhi japi

mujh se gautam ki tarah aag mein champa na khili

raat tanhai ne kamre mein jo karwaT badli

nind aankhon ko kisi sanp ke phan jaisi lagi

mere hi sans se mere hi badan ki chadar

kaun samjhae kise aae yaqin kaise jali

is bhare shahr mein apnaya kisi ne na jise

main ne dekha to 'razi' lash wo meri nikli