manzil-e-gham hai charagh-e-sham hai

manzil-e-ġham hai charāġh-e-shām hai

har taraf ārām hī ārām hai

kaun kahtā hai ki vo nākām hai

jo shikār-e-gardish-e-ayyām hai

har masarrat ke liye lāzim hai ġham

har sahar ke vāste ik shaam hai

jis ko hāsil ho shu.ūr-e-āgahī

zindagī us ke liye in.aam hai

husn kī ra.anā.iyoñ meñ jo nahīñ

ishq ke hoñToñ pe vo paiġhām hai

tū nigāh-e-ġhaur se dekhe agar

har jagah un kī tajallī aam hai

rahbaroñ ke bhes meñ haiñ rāhzan

din ke ā.īne meñ aks-e-shām hai

bahr-e-ġham meñ ġharq ho kashtī jahāñ

bas usī sāhil kā tūfāñ naam hai

log kahte haiñ 'vakīl'-e-be-hunar

tujh pe paiham bārish-e-ilhām he

manzil-e-gham hai charagh-e-sham hai

har taraf aaram hi aaram hai

kaun kahta hai ki wo nakaam hai

jo shikar-e-gardish-e-ayyam hai

har masarrat ke liye lazim hai gham

har sahar ke waste ek sham hai

jis ko hasil ho shuur-e-agahi

zindagi us ke liye inam hai

husn ki ranaiyon mein jo nahin

ishq ke honTon pe wo paigham hai

tu nigah-e-ghaur se dekhe agar

har jagah un ki tajalli aam hai

rahbaron ke bhes mein hain rahzan

din ke aaine mein aks-e-sham hai

bahr-e-gham mein gharq ho kashti jahan

bas usi sahil ka tufan nam hai

log kahte hain 'wakil'-e-be-hunar

tujh pe paiham barish-e-ilham he