manzil-e-hayat se be-KHatar guzar gaya

manzil-e-hayāt se be-ḳhatar guzar gayā

aap jalva-rez the maiñ jidhar jidhar gayā

hādsāt-e-dahr se mast-o-be-ḳhabar gayā

justujū-e-shauq meñ dil nikhar nikhar gayā

jur.at-e-ravānī-e-rāhbar na pūchhiye

manziloñ ko chhoḌtā kārvāñ guzar gayā

jaag uThā to zindagī so gayā to maut hai

itnā jaan le to phir aadmī sañvar gayā

rahnumā ke bhes meñ rāhzan haiñ āj-kal

e'timād-e-rāhbar dil se ab utar gayā

tum mile to miT ga.iiñ kulfateñ firāq kī

fikr-e-āh-e-shab ga.ī nāla-e-sahar gayā

ham-navāo dosto fikr aaj kī karo

kal kā tazkira hī kyā jo huā guzar gayā

'dard' us nigāh par jaan bhī nisār hai

jis ke iltifāt par dil gayā jigar gayā

manzil-e-hayat se be-KHatar guzar gaya

aap jalwa-rez the main jidhar jidhar gaya

hadsat-e-dahr se mast-o-be-KHabar gaya

justuju-e-shauq mein dil nikhar nikhar gaya

jurat-e-rawani-e-rahbar na puchhiye

manzilon ko chhoDta karwan guzar gaya

jag uTha to zindagi so gaya to maut hai

itna jaan le to phir aadmi sanwar gaya

rahnuma ke bhes mein rahzan hain aaj-kal

e'timad-e-rahbar dil se ab utar gaya

tum mile to miT gain kulfaten firaq ki

fikr-e-ah-e-shab gai nala-e-sahar gaya

ham-nawao dosto fikr aaj ki karo

kal ka tazkira hi kya jo hua guzar gaya

'dard' us nigah par jaan bhi nisar hai

jis ke iltifat par dil gaya jigar gaya